【街知巷聞炸雞髀－三多】

大埔有兩個最出名的宵夜店，一間是在大埔墟的「陳漢記」，另一間便是位於北盛街的「三多」總店，地位比得上元朗的「B 仔涼粉」。

以炸雞髀馳名的三多，2002 年開業於大埔太和橋北盛街，起初只是一間寂寂無名的街坊宵夜小食店，憑着始創人 Ben 哥之實力做到街知巷聞，區內無人不識。

北盛街三多只做晚巿，每天下午 6 時開店，半夜 3 點收工，雖然早前於限聚令期間，每天下午 6 時起需禁堂食，仍無阻街坊幫襯的意欲，不少大埔街坊入晚後駕車到三多買外賣，小弟也是其中一員!

我經常強調，每間食店，必須要有一款招牌菜，而炸雞髀絕對稱得上是三多的鎮店之寶，雞髀外層炸得鬆脆，肉質夠嫩滑，而且好香口，最特別是可以選擇大、中、小辣，惹味又過癮!難怪不少食家明星，會專程前來訪尋美食，堪稱大埔名物! 我愛三多的炸雞髀，是因為它保留到一陣古早的香港風味，以前大埔區也有另外幾間正宗地道炸髀店，可惜逐漸消失，現在想吃兒時味道的小食店已買少見少。最難得的是老闆 Ben 哥落足心機烹調，雞髀全是即叫即炸，使用優質食材及新鮮油，粉漿調製得非常美味，吉列皮厚薄適中，咬落卜卜脆!等候外賣大約十多分鐘，雞髀炸好後，熱辣辣入袋，上面插着一支招牌竹籤，方便取出食用，設計非常貼心。

若不想吃得熱氣，可以點豉油皇雞髀，雞皮上粘着一層厚厚的醬油汁，令雞皮口感份外有彈性。三多尚有其他炸物小食同樣出色，炸雞軟骨及椒鹽雞翼尖，令人再三回味;若想試凍食，麻辣雞翼尖亦是一個惹味好選擇!最後配一碟豉油王肉碎腸粉，味道有點像 XO 醬炒腸粉，又香又辣;還有人氣特飲黑牛、雞扒撈公仔麵，涼拌腎片，包你食到舐舐脷!

如何傳承「味道」，永遠是老食店最大的挑戰!同為飲食業界，非常理解要同時做好擴充業務、保持質素及傳授廚藝三方面，必經多番磨合，非外人所能道。歸根究底，食物優質才是食店的命脈，「三多」老闆對食品執着，對客人負責，我非常認同，亦十分敬重。